Þórisstaðir - sæla í sveit!
|
Þórisstaðir - sæla í sveit! |
|
|
Á Þórisstöðum er rekin ferðaþjónusta á sumrin. Við bjóðum meðal annars upp á tjaldsvæði með hreinlætisaðstöðu, níu holu golfvöll og veiði í þremur stöðuvötnum. Að auki er á staðnum stór skemma sem tekur um 200 manns í sæti. Með skemmunni fylgir sér tjaldsvæði, grill og hreinlætisaðstaða þannig að hún er tilvalin fyrir hópa, t.d. ættarmót. Stutt í sundlaug og verslun (4 kílómetrar). á þórisstöðum er alltaf logn! Það er bara misjafnt hvað það fer hratt yfir :)
Hvar erum við?Þórisstaðir standa við Þórisstaðavatn (einnig nefnt Glammastaðavatn) í Svínadal. Þangað er um 4 km. akstur frá Ferstiklu og um 70 km. frá Reykjavík. Það tekur einungis um 10 mínútum lengur að keyra Hvalfjörðinn frá Reykjavík en að fara um Hvalfjarðargöng og þá sparast gangagjaldið. Smellið á myndina fyrir víðara kort.
Hver erum við?Jörðin Þórisstaðir er í eigu Starfsmannafélags Íslenska Járnblendifélagsins, en við hjónin Jenny Johansen og Elís Guðmundsson erum með jörðina á leigu. Jenny er rekstrarfræðingur og í hlutastarfi hjá Búnaðarsamtökum Vesturlands á Hvanneyri. Elís er bifreiðastjóri og hefur verið afleysingamaður á mjólkurbíl MS, en var áður rútubílstjóri til fjölda ára. Auk okkar búa á bænum hundurinn Emil og kettirnir Pippí og Dís.
Hvernig nærðu sambandi við okkur?Ef það er eitthvað sem þú vilt vita eða panta, ekki hika við að hafa samband:
|
|
Send mail to
webmaster@thorisstadir.is with
questions or comments about this web site.
|
